პატრული

ბათუმში, პოლიციელის დაჭრაში ბრალდებულს ბრალი ოფიციალურად წარუდგინეს. დაკავებული ბათუმის დროებითი მოთავსების იზოლატორშია. როგორც პროკურატურაში განმარტავენ, გამოძიება “სისხლის სამართლის კოდექსის” ორი მუხლით მიმდინარეობს, 353-ე პრიმა მუხლის მეორე ნაწილითა და 353-ე პრიმა მუხლის მესამე ნაწილით. შეგახსენებთ, რომ 18 დეკემბერს ბათუმში, საპატრულო პოლიციის თანამშრომლეს მოქალაქემ ცივი იარაღით ყელის არეში ჭრილობა მიაყენა. დაშავებული პოლიციელი რესპუბლიკურ საავადმყოფოშია მოთავსებული, მის ჯანმრთელობას საფრთხე არ ემუქრება.