გურამ თუშიშვილი მსოფლიო ჩემპიონატზე ბრინჯაოსთვის იჭიდავებს

გურამ თუშიშვილი მსოფლიო ჩემპიონატზე ბრინჯაოსთვის იჭიდავებს

მსოფლიო ჩემპიონი, გურამ თუშიშვილი (+100კგ), ტოკიოში მიმდინარე პლანეტის პირველობაზე ბრინჯაოს მედლისთვის იჭიდავებს. ქართველმა ფალავანმა, ნახევარფინალამდე ყველა შეხვედრა ძალიან დამაჯერებლად გაიარა. ფინალის საგზურისთვის თუშიშვილი იაპონელ ჰისაიოში ჰარასავას შეერკინა და დაწყების მომენტიდან უპირატესობასაც ფლობდა, თუმცა დაპირისპირების დასრულებამდე 1 წუთი და 20 წამით ადრე, ჰარასავას მოძრაობაზე ჩაყვა, მსაჯებმა კი იპონი დააფიქსირეს. ამრიგად, გურამ თუშიშვილი ბრინჯაოს მედლისა და მესამე ადგილისთვის იბრძოლებს და ის ჰოლანდიელ როი მაიერს შეერკინება.

მეტი

გურამ თუშიშვილი მსოფლიო ჩემპიონატის ნახევარფინალშია

გურამ თუშიშვილი მსოფლიო ჩემპიონატის ნახევარფინალშია

მსოფლიოს მოქმედი ჩემპიონი, ძიუდოისტი გურამ თუშიშვილი (+100კგ) ტოკიოს მსოფლიო ჩემპიონატის ნახევარფინალშია. ნახევარფინალამდე, ქართველმა ფალავანმა ჰოლანდიელი კუმარ შუბჰამი, ტაჯიკი ტემურ რახიმოვი და ასევე ჰოლანდიელი, ჰენკ გროლი ჩამოიცილა და ფინალში გასასვლელად იაპონელ ჰისაიოში ჰარასავას დაუპირისპირდება. იაპონიის დედაქალაქში მიმდინარე მსოფლიო ჩემპიონატი საქართველოს ძიუდოისტთა ნაკრებისთვის არც თუ წარმატებული გამოდგა. მიუხედავად იმისა, რომ ლუხუმ ჩხვიმიანმა (-60კგ) პირველივე საშეჯიბრო დღეს მსოფლიო ჩემპიონის ტიტული მოიგო, ხოლო ლუკა მაისურაძემ (-81კგ) – ბრინჯაო, ნაკრების ლიდერები, ვარლამ ლიპარტელიანი, ბექა ღვინიაშვილი, ლაშა შავდათუაშვილი და ვაჟა მარგველაშვილი…

მეტი

ვარლამ ლიპარტელიანი მსოფლიო ჩემპიონატს უმედლოდ ემშვიდობება

ვარლამ ლიპარტელიანი მსოფლიო ჩემპიონატს უმედლოდ ემშვიდობება

იაპონიის დედაქალაქ ტოკიოში მიმდინარე ძიუდოს მსოფლიო ჩემპიონატს, საქართველოს ნაკრების კაპიტანი, ვარლამ ლიპარტელიანი უმედლოდ ემშვიდობება. დამამშვიდებელ წრეში, “ლიპო” ჰოლანდიელ მიხეილ კორელთან ვაზარით დამარცხდა, მაშინ, როდესაც შეხვედრის დასრულებამდე სამი წამი იყო დარჩენილი და ბრინჯაოს მედლისთვის ბრძოლას ვეღარ გააგრძელებს. პლანეტის პირველობის ბოლო ფინალურ დღეს, ტატამზე გურამ თუშიშვილი (+100კგ) გამოვა. საქართველოს ნაკრების აქტივში, ამ დროისთვის 1 ოქროსა და 1 ბრინჯაოს მედალია. მსოფლიო ჩემპიონი ლუხუმ ჩხვიმიანი (-60კგ) გახდა, ხოლო ბრინჯაოს ლუკა მაისურაძე (-81) დაეუფლა.

მეტი

ვარლამ ლიპარტელიანი მსოფლიო ჩემპიონატზე ბრინჯაოსთვის იბრძოლებს

ვარლამ ლიპარტელიანი მსოფლიო ჩემპიონატზე ბრინჯაოსთვის იბრძოლებს

საქართველოს ძიუდოისტთა ნაკრების კაპიტანი, ვარლამ ლიპარტელიანი (-100კგ) ტოკიოში მიმდინარე მსოფლიო ჩემპიონატზე ბრინჯაოს მედლისთვის იჭიდავებს. ლიპარტელიანმა ნახევარფინალში გამსვლელი შეხვედრა პორტუგალიელ ფონსეკასთან დათმო და ახლა მესამე ადგილისთვის ბრძოლის გასაგრძელებლად, რეპეშაჟში ჰოლანდიელ მიხაელ კორელს შეერკინება. საქართველოს ნაკრებისთვის გუშინდელი საშეჯიბრო დღეც უიღბლო გამოდგა. ბექა ღვინიაშვილმა მარცხი განიცადა და მედლალს ვერ შეწვდა. ხვალ, მსოფლიო პირველობის საფინალო დღეს, ტატამზე მოქმედი ჩემპიონი, მძიმეწონოსანი გურამ თუშიშვილი გამოვა.  

მეტი

ძიუდოისტი ლუკა მაისურაძე მსოფლიოს პრიზიორია

ძიუდოისტი ლუკა მაისურაძე მსოფლიოს პრიზიორია

იაპონიის დედაქალაქ ტოკიოში მიმდინარე ძიუდოს მსოფლიო ჩემპიონატზე საქართველოს ნაკრებმა მეორე მედალი მოიპოვა. -81 კგ წონით კატეგორიაში მოასპარეზე ლუკა მაისურაძემ, მესამე ადგილისთვის ბრძოლაში ირანელი საეიდ მოლაეი დაამარცხა და მესამე ადგილს დაეუფლა. ხვალ, მედლისთვის ბრძოლაში -90 კგ წონით კატეგორიაში, ბექა ღვინიაშვილი ჩაერთვება. ამ დროისთვის, საქართველოს ნაკრების აქტივში 1 ოქროსა და 1 ბრინჯაოს მედალია. პლანეტის პირველობის პირველ საშეჯიბრო დღეს, მსოფლიო ჩემპიონატის ტიტული ლუხუმ ჩხვიმიანმა მოიპოვა (-60კგ).  

მეტი

ტოკიოს მსოფლიო ჩემპიონატზე ლაშა შავდათუაშვილი უმედლოდ დარჩა

ტოკიოს მსოფლიო ჩემპიონატზე ლაშა შავდათუაშვილი უმედლოდ დარჩა

იაპონიის დედაქალაქ ტოკიოში მიმდინარე ძიუდოს მსოფლიო ჩემპიონატის მესამე საშეჯიბრო დღესაც, მეორის მსგავსად, საქართველოს ნაკრები მედლის გარეშე დარჩა. ტატამზე დღეს ლაშა შავდათუაშვილი (-73კგ) გამოვიდა, რომელმაც ორი მეტოქის ბარიერი დაძლია და 1/8 ფინალში იაპონელ შოჰეი ონოს შეხვდა, რომელთანაც 1:45 წუთში იპონით დამარცხდა და მსოფლიოზე ასპარეზობა მედლის გარეშე დაასრულა. საქართველოს ნაკრებისთვის მეორე დღეს უიღბლო გამოდგა. -66 კგ წონით კატეგორიაში, ვაჟა მარგველაშვილმა და ბაგრატ ნინიაშვილმა მარცხი განიცადეს. ამ დროისთვის, ეროვნული გუნდის აქტივში, ლუხუმ ჩხვიმიანის (-60კგ) მიერ მოპოვებული ოქროს მედალია….

მეტი

ძიუდოს მსოფლიო ჩემპიონატი: საქართველოს ნაკრები დღეს უმედლოდ დარჩა

ძიუდოს მსოფლიო ჩემპიონატი: საქართველოს ნაკრები დღეს უმედლოდ დარჩა

ტოკიოში მიმდინარე ძიუდოს მსოფლიო ჩემპიონატის მეორე საშეჯიბრო დღეს, საქართველოს ნაკრები მედლების გარეშე დარჩა. -66 კგ წონით კატეგორიაში, ეროვნული გუნდის ღირსებას ვაჟა მარგველაშვილი და ბაგრატ ნინიაშვილი იცავდნენ. მარგველაშვილმა მხოლოდ ერთი შეხვედრა მოიგო ეგვიპტელ ახმედ აბელრახმანთან, შემდეგ წრეში კი კორეელ კიმთან დამარცხდა. ბაგრატ ნინიაშვილმა გვინეელი და ავსტრალიელი მეტოქეების ბარიერი დაძლია, თუმცა მონღოლ იონდონპერენლეისთან დასანანი მარცხი განიცადა. ძირითად დროში გამარჯვებული ვერ გამოვლინდა, გოლდენ სქორში კი ქართველმა მესამე  შიდო მიიღო და გამარჯვება მონღოლს დარჩა. ამრიგად, საქართველოს ნაკრების აქტივში ლუხუმ ჩხვიმიანის…

მეტი

ლუხუმ ჩხვიმიანი მსოფლიო ჩემპიონია

ლუხუმ ჩხვიმიანი მსოფლიო ჩემპიონია

ლუხუმ ჩხვიმიანი (-60კგ) ძიუდოს 2019 წლის მსოფლიო ჩემპიონია. იაპონიაში საქართველოს ჰიმნი აჟღერდება. ოქროს ფინალში, ქართველმა ფალავნმა უზბეკი ლუტფილაევი იპონით დაამარცხა. ჯამში, საფინალო დაპირისპირებაში ჩხვიმიანმა ორი იპონი შეასრულა, თუმცა, ვიდეორეფერის შემდეგ, მსაჯებმა მას მხოლოდ ვაზარი მიაკუთვნეს, რამდენიმე წამში კი ქართველმა კვლავ შეუსრულა მომგებიანი გდება მეტოქეს და დამსახურებულად მოიგო მსოფლიო ჩემპიონის ტიტული. მსოფლიო ჩემპიონატის პირველივე საშეჯიბრო დღეს საქართველომ ოქროს მედალი მოიპოვა. ხვალიდან, ასპარეზობაში -66 კგ წონითი კატეგორია ჩაერთვება, სადაც საქართველოს ღირსებას ვაჟა მარგველაშვილი დაიცავს.  

მეტი

ლუხუმ ჩხვიმიანმა იაპონელი ნაგაიამა დაამარცხა და მსოფლიო ჩემპიონატის ფინალშია

ლუხუმ ჩხვიმიანმა იაპონელი ნაგაიამა დაამარცხა და მსოფლიო ჩემპიონატის ფინალშია

იაპონიის დედაქალაქ ტოკიოში მიმდინარე ძიუდოს მსოფლიო ჩემპიონატის პირველი საშეჯიბრო დღის ფინალში იჭიდავებს ლუხუმ ჩხვიმიანი -(60კგ). ფინალისთვის ბრძოლაში, ქართველმა ფალავანმა, მასპინძელი რიუჯუ ნაგაიამა გოლდენ სქორში დაამარცხა. დაპირისპირების ძირითადი დრო 0:0 დასრულდა. ყველაფერი კი დამატებით დროში გადაწყდა. თავდაპირველად, მსაჯებმა ჩხვიმიანს გდება იპონად ჩაუთვალეს, გამეორებაზე ვაზარად შეფასდა, თუმცა დამატებით დროში ჩხვიმიანს გამარჯვებისთვის ეს ერთი ქულაც ჰყოფნიდა. ფინალში, ლუხუმ ჩხვიმიანი უზბეკ ლუტფილაევს დაეჭიდება, რომელიც ასევე შესანიშნავ ფორმაშია.

მეტი

ლუხუმ ჩხვიმიანი მსოფლიო ჩემპიონატის ნახევარფინალშია

ლუხუმ ჩხვიმიანი მსოფლიო ჩემპიონატის ნახევარფინალშია

ტოკიოში მიმდინარე ძიუდოს მსოფლიო ჩემპიონატის ნახევარფინალში იჭიდავებს ლუხუმ ჩხვიმიანი (-60კგ). ქართველმა ფალავანმა პლანეტის პირველობაზე 5 შეხვედრა ძალიან დამაჯერებლად მოიგო. 1/4 ფინალში, ჩხვიმიანმა ჩინური ტაიპეის წარმომადგენელს, ვენ იანგ იუნგს სძლია და ფინალში გასასვლელად იაპონელ ნაგაიამასა და ყაზახ სმეტოვს შორის გამარჯვებულს დაუპირისპირდება. ამავე წონით კატეგორიაში, ამირან პაპინაშვილი ასპარეზობას 1/8 ფინალიდან გამოეთიშა.

მეტი
1 4 5 6 7 8 12