ცესკოდან პროტესტის ნიშნად წასული პრეს-სპიკერი განცხადებას ავრცელებს

საპარლამენტო არჩევნების შემდეგ, ტელეეკრანიდან გამქრალი ცესკოს პრეს-სპიკერი, ანა მიქელაძე სოციალურ ქსელში გამოჩნდა და განაცხადა, რომ თანამდებობა დატოვა. გავრცელებული ცნობით, მან არ ისურვა გაყალბებული არჩევნების შედეგების გამოცხადება. აი რას წერს დღეს ის “ფეისბუქის” პირად გვერდზე:

“ყველა ჩემს გულშემატკივარს გიდასტურებთ, რომ პირადი გადაწყვეტილებით, დღეიდან უკვე ოფიციალურად აღარ ვარ ცესკოს თანამშრომელი.

ცხოვრებაში გვიწევს რთული, მაგრამ მნიშვნელოვანი გადაწყვეტილებების მიღება და რაღა თქმა უნდა თითოეული ჩვენი ნაბიჯი თანხვედრაში უნდა იყოს ჩვენივე ღირებულებებთან. ვინც კარგად მიცნობთ, იცით, რომ ყოველთვის, როგორც ადგილობრივ და საერთაშორისო ორგანიზაციებში, ისე საჯარო სექტორში მუშაობისას, ვხელმძღვანელობდი მხოლოდ პროფესიონალიზმის, სამართლიანობის, კეთილსინდისიერების პრინციპებით და მუდამ ვცდილობდი, ჩემი, თუნდაც მცირე წვლილი, შემეტანა ჩვენი ქვეყნის განვითარების პროცესში.

მადლობა მინდა გადავუხადო თანამშრომლობისთვის ჩემს თითოეულ კოლეგას, პარტნიორს, ჟურნალისტს, ადამიანებს, რომლებთანაც მაკავშირებს მრავალი წლის საქმიანი თუ მეგობრული ურთიერთობა”. – წერს მიქელაძე.

  • 32
  •  
  •  
  •  
  •