თაღლითობა ლუგარის ლაბორატორიის სახელით – მოქალაქეებს ტელეფონზე ურეკავენ და ატყუებენ.

ლუგარის ლაბორატორია მოქალაქეებს აფრთხილებს - მსგავსი ზარების შემთხვევაში აცნობეთ შსს-ს

ლუგარის ლაბორატორიის სახელით ურეკავენ მოქალაქეებს და სთავაზობენ პრეპარატს კორონავირუსის პროფილაქტიკისთვის, რაც არ შეესაბამება სიმართლეს, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის განცხადებაში არის აღნიშნული.

ცენტრი მოუწოდებს მოქალაქეებს, მსგავსი ზარის შემთხვევაში შსს-ს მიმართონ.

„ბოლო პერიოდში დაავადებათა კონტროლისა და საზოგადოებრივი ჯანმრთელობის ეროვნული ცენტრის ლუგარის ლაბორატორიის სახელით ურეკავენ მოქალაქეებს და სთავაზობენ პრეპარატს, რომელიც რეკომენდებულია COVID-19-ით (კორონათი) დაინფიცირების შემთხვევაში და პროფილაქტიკისთვის.

გვინდა გაცნობოთ, რომ ზემოაღნიშნული სიმართლეს არ შეესაბამება და დაავადებათა კონტროლისა და საზოგადოებრივი ჯანმრთელობის ეროვნული ცენტრი არანაირ მედიკამენტს არ უწევს რეკომენდაციას.

გთხოვთ, მსგავსი ზარების შემთხვევაში ნომერი, რომლიდანაც ზარი განხორციელდა გადასცეთ შინაგან საქმეთა სამინისტროს“, – აცხადებენ დაავადებათა კონტროლის ცენტრში.

  • 61
  •  
  •  
  •  
  •