19 წლის ბიჭი 10 წლის გოგონას პირადი საიდუმლოს ხელყოფის მუქარით, ფოტოების გაგზავნას აიძულებდა

დაკავებულია 19-წლის ბიჭი, რომელიც 10 წლის გოგონას პირადი საიდუმლოს ხელყოფის მუქარით, ფოტოების გაგზავნას აიძულებდა.

შიდა ქართლის პოლიციის დეპარტამენტის თანამშრომლებმა, 2001 წელს დაბადებული გ.გ. სექსუალური ხასიათის სხვაგვარი ქმედების იძულებისა და გარყვნილი ქმედების ფაქტზე, გორში დააკავეს. გამოძიების ვერსიით, ბრალდებული მამაკაცი, სოციალური ქსელ “ფეისბუკის” დახმარებით, 2010 წელს დაბადებულ მ.ბ.-ს დაუკავშირდა, რომელსაც სექსუალური შინაარსის ფოტოებსა და შეტყობინებებს უგზავნიდა, რაზეც გოგონა პასუხობდა.

მოგვიანებით, ბრალდებულმა მ.ბ. მათი მიმოწერის სოციალურ ქსელში გავრცელების მუქარით აიძულა, კვლავ გადაეღო სექსუალური შინაარსის ფოტო და ვიდეომასალა, რომელიც დაზარალებულმა მას გაუგზავნა.

გამოძიება საქართველოს სისხლის სამართლის კოდექსის 139 -ე მუხლის მე-4 ნაწილის “ბ” ქვეპუნქტით, 141-ე მუხლის მე-2 ნაწილის “ვ” ქვეპუნქტითა და 157-ე პრიმა მუხლის 1-ლი ნაწილით მიმდინარეობს, რაც პირადი ცხოვრების საიდუმლოს ხელყოფას, სექსუალური ხასიათის სხვაგვარი ქმედების იძულებასა და გარყვნილ ქმედებას გულისხმობს.

დანაშაული 9-დან 15 წლამდე ვადით თავისუფლების აღკვეთას ითვალისწინებს.

  • 158
  •  
  •  
  •  
  •