სომხეთში სიტუაცია უკონტროლო გახდა – გარდაცვლილია 200 ადამიანი

სომხეთში კორონა ვირუსის ეპიდემია კონტროლს აღარ ექვემდებარება.  ქვეყნაში ყოველდღიურად  ასობით ადამიანი ავადდება. გაიზარდა ეპიდემიის ადგილობრივი ეპიდცენტრების რაოდენობაც. განსაკუთრებით მძიმე მდგომარეობაა რეგიონებში, სადაც არასაკმარისი სამედიცინო ინფრასტრუქტურის გამო საავადმყოფოები პაციენტების მიღებას  ვერ ახერხებენ.

რამდენიმე სოფელი სრულად ჩაკეტილია და მოსახლეობას სახლების დატოვება ეკრძალება. ერთ-ერთ სოფელში გამართული დაკრძალვის ცერემონიის შემდეგ,  ერთ დღეში ინფიცირების 100-ზე მეტი შემთხვევა გამოვლინდა.

ასობით ადამიანი რიგში დგას, რომ კორონავირუსის სამკურნალოდ კლინიკებში მოხვდნენ. ქვეყანაში ვირუსის გავრცელების სწრაფ ტემპზე ისაუბრა პრემიერმა ნიკოლ პაშინიანმა და არსებული მდგომარეობა ჯოჯოხეთს შეადრა.

ამ დროისათვის სომხეთში კორონავირუსით ინფიცირების 13 ათასი შემთხვევა ფიქსირდება. 200 მდე ადამიანი გარდაიცვალა. სომხეთის ჯანდაცვის სისტემა პაციენტთა გაზრდილ რაოდენობას ვეღარ უძლებს.

  • 2
  •  
  •  
  •  
  •