“ქართული მარში” საქართველოს კინოთეატრების ბლოკირებას გეგმავს

"ქართული მარში" "და ჩვენ ვიცეკვეთ" პრემიერის ჩაშლას გეგმავს

„ქართული მარში”  საქართველოს კინოთეატრებში ახალი ფილმის “და ჩვენ ვიცეკვეთ”  პრეზენტაციის ჩაშლას გეგმავს.

როგორც “ქართული მარშის” ერთ-ერთი ლიდერი, სანდრო ბრეგაძე აცხადებს, ისინი, მშვიდობიანი ფორმით მოახდენენ კინოთეატრების ბლოკირებას.

„8 ნოემბერს, იმ დღეს, როდესაც დაგეგმილია გეი პროპაგანდის ფილმის ჩვენება, თბილისის და ბათუმის კინოთეატრებში, ის  ჩაიშლება. ესაა  თითოეული ქართველის მოვალეობა, ესაა ჩვენი მუსლიმი ძმების და სხვა რელიგიური აღმსარებლების მოვალეობაა, რომ არ დაუშვან ამ სიბილწის ჩვენება საქართველოს კინოთეატრებში. მოხდება კინოთეატრების ბლოკირება.  ეს იქნება მშვიდობიანი ფორმა და ამ მშვიდობიანი ფორმით არ დავუშვებთ შევიდნენ კინოთეატრში”, – განაცხადა სანდრო ბრეგაძემ.

ბრეგაძემ ეკლესიასაც მიმართა თხოვნით, დააფიქსირონ მკაფიო პოზიცია ფილმთან დაკავშირებით და მრევლს მოუწოდონ “მშვიდობიანი ფორმით ჩაშალონ” მისი ჩვენება.

წარმოშობით ქართველი რეჟისორის, ლევან აკინის  ფილმი „და ჩვენ ვიცეკვეთ“ ქართულ-შვედური კოპროდუქციაა, რომელიც შვედეთმა „ოსკარზე“ წარადგინა.

თბილისის კინოთეატრებში, ლევან აკინის ფილმის პრემიერაზე –  „და ჩვენ ვიცეკვეთ“, ყველა ბილეთი 5 დღით ადრე გაიყიდა.

 

  • 11
  •  
  •  
  •  
  •