ვახტანგ წერეთელი: ტვ პირველს არ მოგაგუდინებთ

TV პირველის მფლობელი პროკურატურაში დაკითხვაზე დაიბარეს

TV პირველის მფლობელი, ვახტანგ წერეთელი პროკურატურაში დაიბარეს.

ამასთან დაკავშირებით წერეთელი ინფორმაციას “ფეისბუქის” პირად გვერდზე თავად ავრცელებს.

“პროკურატურაში დამიბარეს. ნებისმიერ კითხვაზე გავცემ პასუხს მხოლოდ მოსამართლის თანდასწრებით, თუმცა წინასწარ გეუბნებით, ტვ პირველს არ მოგაგუდინებთ!!! ეს ტელევიზია არც არავის გავლენის ქვეშ გადავა და არც არავის ტრენდზე! შანსი გაქვთ ნული! ყველას ვერ დაიჭერთ ! ყველას ვერ დააშინებთ !

ყველა შეტევას გავუძელით და ამასაც გავუძლებთ”, – წერს წერეთელი.

საგამოძიებო უწყებაში კითხვები წერეთელთან მამუკა ხაზარაძისა და ბადრი ჯაფარიძის საქმესთან დაკავშირებით ექნებათ. ვახტანგ წერეთელმა დაკითხვა მოსამართლის თანდასწრებით მოითხოვა. როგორც ცნობილია, მისი გამოკითხვა, საქალაქო სასამართლოში, ხვალ შედგება.

  • 3
  •  
  •  
  •  
  •