ფინანსური დავალიანების გამო, “ვიტ ჯორჯიას” ფეხბურთელები ტოვებენ

როგორც “რეკორდერისთვის” გახდა ცნობილი, საფეხბურთო კლუბ “ვიტ ჯორჯიას”, ფინანსური დავალიანებების გამო, ფეხბურთელები ტოვებენ.

გუნდი ზურაბ ღირდალაძე, ალეკო ჩაკვეტაძე, გიორგი გაფრინდაშვილმა და დავით საჯაიამ დატოვეს.

მათი გათავისუფლების ფურცელი ძალაში 18 ივნისიდან შევა. კლუბმა მოთამაშეებს მხოლოდ აპრილის თვის ხელფასის 25% ჩაურიცხა, დარჩენილ დავალიანებას კი, როდის გაისტუმრებენ, ამას ფეხბურთელებს ვერ ეუბნებიან.

“ვიტ ჯორჯია” ფეხბურთის ფედერაციის სადისციპლინო კომიტეტმა 50 ათასი ლარითა და მინუს 6 ქულით დააჯარიმა. საქმე გარიგებულ თამაშებში მონაწილე ფეხბურთელებს ეხება. გუნდის 5 ფეხბურთელს – შეროზიას, გეთიაშვილს, ღუდუშაურს, მაისურაძესა და კიკნაველიძეს ფეხბურთში საქმიანობა სამუდამოდ აეკრძალათ.

სფფ-ს პრეზიდენტმა, ლევან კობიაშვილმა გარიგებულ თამაშებთან დაკავშირებით გამართულ ბრიფინგზე განაცხადა, რომ “ვიტ ჯორჯიას” ფეხბურთელების მიმართ მხოლოდ ორ კვირიანი დავალიანება ჰქონდა.