“მსოფლიო რბენასთან” დაკავშირებით, ხვალ კახეთში საავტომობილო მოძრაობა შეიზღუდება

შინაგან საქმეთა სამინისტრო განცხადებას ავრცელებს

“მსოფლიო რბენასთან” დაკავშირებით, ხვალ, 5 მაისს, კახეთში, ლოპოტას გადასახვევიდან ქედის გაყოლებით, დილის 10:00 საათიდან საღამოს 19:00 საათამდე მოძრაობა შეიზღუდება.

ამასთან დაკავშირებით შინაგან საქმეთა სამინისტრო განცხადებას ავრცელებს.

“შინაგან საქმეთა სამინისტრო გაცნობებთ, რომ საერთაშორისო მარათონთან – „მსოფლიო რბენა“ – დაკავშირებით, მიმდინარე წლის 5 მაისს, კახეთში, ლოპოტას გადასახვევიდან კავკასიონის ქედის გაყოლებით, დილის 10:00 საათიდან 19:00 საათამდე, თელავი-შაქრიანის საავტომობილო გზაზე, მდინარე ალაზნის ხიდამდე, მოძრაობა შეიზღუდება.

ყველა სახის საავტომობილო ტრანსპორტისთვის, ასევე, შეიზღუდება მოძრაობა თიანეთი-ახმეტა-ფშაველი-ყვარელი-ნინიგორის საავტომობილო გზის 69-ე კმ-დან 118-ე კმ-მდე.

სატრანსპორტო ნაკადი იმოძრავებს ყვარელი-გიორგეთი-აფენი გურჯაანის დამაკავშირებელ შიდა საუწყებო გზაზე გურჯაანის შესასვლელამდე”, – ნათქვამია განცხადებაში.

  • 7
  •  
  •  
  •  
  •