საპენსიო შენატანების მოცულობა 175 მილიონ ლარამდე გაიზარდა

საპენსიო სისტემაში 750 ათას ადამიანზე მეტია გაწევრიანებული

საპენსიო სააგენტოს დირექტორის, ლევან სურგულაძის განცხადებით, საპენსიო შენატანების მოცულობა, დღევანდელი მდგომარეობით, 175 მილიონ ლარს აღწევს.

როგორც სააგენტოს ხელმძღვანელმა ჟურნალისტებს განუცხადა, ამ სისტემის რეფორმა წარმატებით მიმდინარეობს და მასში 750 ათას ადამიანზე მეტია გაწევრიანებული.

რაც შეეხება დაგროვებითი საპენსიო სისტემიდან გასვლას, სურგულაძე განმარტავს, რომ ამასთან დაკავშირებით, მომართვიანობა მცირეა.

“სისტემიდან გასვლაზე მომართვიანობა არც ისე მაღალია – სისტემიდან, ამ ეტაპზე, 2 900 ადამიანი გავიდა. ეს 750 000 ადამიანიდან 0,4%-ია”, – განაცხადა ლევან სურგულაძემ.

დაგროვებით საპენსიო სისტემის ამოქმედებიდან  დღეს 100 დღე შესრულდა. ამ თემაზე ისაუბრებს დღეს ლევან სურგულაძე პარლამენტში, რომელსაც დეპუტატების კითხვებზე პასუხის გაცემაც მოუწევს.

  • 20
  •  
  •  
  •  
  •