ნარკოტიკული ინტოქსიკაციის გამო, ავსტრიაში ქართველი მამაკაცი სიკვდილს ძლივს გადაურჩა

ლტოლვილად ჩაბარებული ქართველი, ნარკოტიკის გადამეტებული დოზის გამო, მედიკოსებმა სიკვდილს გადაარჩინეს.

შემთხვევა ავსტრიაში, ტრაისკირჰენში, არალეგალურად მყოფ უცხოელთა განთავსების ცენტრში მოხდა.

როგორც ავსტრიული გაზეთი, heute.at იუწყება, 41 წლის ქართველი მამაკაცი ზედამხედველმა საწოლში უგონო მდგომარეობაში აღმოაჩინა და სასწრაფო დახმარება გამოიძახა.

ექიმებმა მისი გადარჩენა მოახერხეს. სამედიცინო შემოწმების შედეგად დადგინდა, რომ თავშესაფრის მოთხოვნით ავსტრიაში ჩასულ ქართველს, ჰეროინის ზედმეტი დოზა ჰქონდა მიღებული.