სოფელ ხურვალეთში რუსი ოკუპანტები გამოჩნდნენ

ადგილობრივი მცხოვრები ამბობს, რომ ხურვალეთში რუსი ოკუპანტები მოსახლეების ეზოებში დგანან

სოფელ ხურვალეთში რუსი ოკუპანტები გამოჩნდნენ. ამის შესახებ ინფორმაციას, სამოქალაქო მოძრაობის “ძალა ერთობაშია” წარმომადგენელი, დავით ქაცარავა ავრცელებს.

“ხურვალეთიდან გვატყობინებენ, რომ რუსები შემოვიდნენ სოფელში!!! ჩვენ მივდივართ ხურვალეთში!!!!
სასწრაფოდ გაავრცელეთ,” – წერს ქაცარავა.

უცნობი, ნიღბიანი პირების ხურვალეთში ყოფნას ადასტურებს სოციალურ ქსელში გავრცელებული ფოტოებიც და ამას ადასტურებენ ადგილობრივებიც.

“SOS! ვითხოვთ შველას! ხურვალეთში რუსი ოკუპანტები შემოვიდნენ და სოფლის ბოლო დაიკავეს. მოგვხედეთ, გვიშველეთ! ხურვალეთში რუსი ოკუპანტები დგანან, მოსახლეების ეზოებში”, – წერს ადგილობრივი ლუდა სალია.

შეიარაღებული ნიღბიანი პირები იმ ადგილას გამოჩნდნენ, სადაც დე ფაქტო ცხინვალმა 7 თებერვალს სამეთვალყურეო კოშკურა დაამონტაჟა.

 

  • 22
  •  
  •  
  •  
  •