პრემიერი: საქართველო გახდება ერთ-ერთი პირველი ქვეყანა, რომელიც სრულებით დაამარცხებს C ჰეპატიტს

ვირუსულ ჰეპატიტებთან დაკავშირებული რეგიონული საკონსულტაციო შეხვედრა ევროპაში პირველად ჩატარდა და მასპინძელ ქვეყნად საქართველო შეირჩა

საქართველოს პრემიერ მინისტრის, მამუკა ბახტაძის განცხადებით, საქართველოს გახდება ერთ-ერთი პირველი ქვეყანა, რომელიც სრულებით დაამარცხებს C ჰეპატიტს.

ეს განცხადება პრემიერმა ვირუსულ ჰეპატიტებთან დაკავშირებული რეგიონული საკონსულტაციო შეხვედრისას გააკეთა, რომელიც ევროპაში პირველად ჩატარდა და მასპინძელ ქვეყანად საქართველო შეირჩა.

“დღეს ვირუსულ ჰეპატიტებთან დაკავშირებულ რეგიონულ საკონსულტაციო შეხვედრას დავესწარი, რომელიც ევროპაში პირველად ტარდება და მასპინძლად სწორედ ჩვენი ქვეყანა შეირჩა.

2012 წელს, არჩევნებში გამარჯვების შემდეგ, ჩვენმა პოლიტიკურმა გუნდმა აბსოლუტურ პრიორიტეტად გამოაცხადა ჯანდაცვის სისტემა და დავნერგეთ მსოფლიოში უპრეცედენტო, C ჰეპატიტთან ბრძოლის უფასო პროგრამა.

მინდა გითხრათ, რომ უახლესი მონაცემებით, განკურნების მაჩვენებელი საშუალოდ 98 პროცენტია. საქართველო გახდება ერთ-ერთი პირველი ქვეყანა, რომელიც სრულებით დაამარცხებს C ჰეპატიტს”, – განაცხადა მამუკა ბახტაძემ.

  • 1
  •  
  •  
  •  
  •